Di saetên sibê de li gelek navçeyên Îzmîrê bi tevlîbûna gelek polîsên tîmên taybet bi ser malan de hate girtin. Endamên Federasyona Komeleyên Ciwanên Sosyalîst (SGDF) Hazal Karabey û Alev Ozkîraz jî di nav de 13 kes hatin destgîrkirin. Dest hate danîna ser gelek pirtûk û amûrên elektironîk.

KESÊN HATIN DESTGÎRKIRIN

Navên kesên birine Şaxa Miduryeta Emniyeyê ya TEM’ê ya bajar wiha ne: Hazal Karabey, Orhan Ayhan, Alev Ozkîraz, Aydin Yetîm, Farûk Ozer, Resûl Sayan û Goksal Ozen.

Hevseroka HDP’ê ya Îzmîrê Semra Ûzûnok anî ziman ku di demeke nêz de Konferansa Ciwanan a Herêma Egeyê kirine û got: “Di nava kesên hatine destgîrkirin de ciwanên li wir bi peywirê rabûne jî hene. Bi vê operasyonê xwestine çavê ciwanan bitirsînin.

Ûzûnok got: “Em rê nadin li ser civakê faşîzm bê kirin, em ê bi vê civakê re li ber xwe bidin, em ê bi vê civakê bi serkevin.”