Li gelek bajarên Îtalyayê wê di navbera 27'ê Çileyê - 11'ê Sibatê de civîn û çalakî bên lidarxistin.

Parêzerê Ocalan Mahmût Şakar, Parlamenterê HDP'ê Faysal Sariyildiz û nûnerê KNK'ê wê weke qiseker beşdarî civîn û çalakiyên li bajarên Bologna, Fîrenze, Modena, Grosetto, Bergamo, Brescîa, Padova, Torîno û Mîlano bibin.

Her wiha, beriya meşa mezin wê di 8'ê Sibatê saet 11:00 de li ber avahiya Şaredariya Mîlanoyê, tevî dostên Kurd ên Îtalyayî wê daxuyaniyeke çapemeniyê bê dayîn.

Ji bilî vê yekê, ji bo meşa 11'ê Sibatê wê Kurdistanî bi otobusan ji bajarên Novara, Grosetto, Parma, Modena, Bologna, Torîno, Bolzano, Fîrenze, Lîvorno, Pîsa, Valsûsa, Roma, Brescîa û Napolî bi rê bikevin.