Nûnerên Saziyên Kurdan ên li Rûsyayê, li Mala Kurdan a paytext Moskowayê li hev civiyan û fikarên xwe yên ji ber gefên li ser Şengalê anîn ziman.

Di daxuyaniyê de hate ragihandin ku Hikumeta Navendî ya Iraqê û PDK bûne yek, konsepteke nû ya têkbirinê li dijî Êzidiyan xistine meriyetê.

Serokê Yekîtiya Saziyên Civaka Kurd a Navneteweyî Arîf Azmanî bi navê saziyan axivî û destnîşan kir ku hewldanên êriş û destwerdana li Şengalê ji bo wê yekê tê kirin ku rewşa li herêmê vegerînin beriya sala 2014'an.

Arîf Azmanî got, "Careke din dixwazin civaka Êzidî bêrêxistin, bêrêveberî û bêparastin bihêlin ku careke din karibin ferman li Êzidiyan rabe."

Arîf Azmanî bêdengiya raya giştî ya navneteweyî ya li pêşberî êrişan şermezar kir û bang li raya giştî ya cîhanê kir ku dawî li vê bêdengiya xwe bîne, nehêle ku careke din komkujî li Şengaliyan û Êzidiyan bê kirin.