Di civînê de, gavên têrker ên ji aliyê pêkhateyên HDK-A ve nehatine avêtin, her wiha xemsariya xebatên damezrandinê yên HDK-A li Ewropayê hatin rexnekirin.

Di danezanê de hat gotin, "Pêwîste têkilî bi hemû sazî, partiyên siyasî, rêxistin û kesayetên serbixwe yên karibin tevlî karê HDK-A bibin têkilî were danîn, bi kongre û meclîsên ji rengînî û dewlemendiya HDK re HDK-A were mezinkirin û potansiyela wê bê bikaranîn.

Xebatên me yên damezrandina HDK Ewropa (HDK-A) wê bi kongreyên li welat û gelek bajarên welatan bidome. Di 4'ê Sibata 2017'an de bi Kongreya Ewropayê ya li Brukselê re bên tacîdarkirin."

Di encamnameyê de hat ragihandin, girîngiya bi hev re meşandina xebatên siyasî û rêxistinî careke din hate destnîşankirin û hat gotin, "Kampanya 'Rewşa Awarte li Tirkiyeyê bisekinîne' ku di 23'ê Mijdarê de li lber Parlamenta Eyaleta NRW li Dusseldorfê bi daxuyaniya çapemeniyê me dan destpêkirin û di 10'ê Kanûnê de me berfireh kir, gelekî girîng e.

Ev kampanya me li gelek herêman bi tecrûbe û rengên xweser dewam dike. Li herêmên Hê qels in, lazim e pêkhateyên HDK-A û her kesên dixwazin HDK mezin bibe, xwedî li kampanyayê derkevin, vê yekê bigihîne hemû kolan, qad, mal, saziyên herêmî, sendîka û partiyên siyasî.

Di civîna me ya koordînasyonê de, amadekariyên kongreya damezrandinê ya 4'ê Sibatê hatin nirxandin. Di vê çarçoveyê de Komîteya Amadekar a Kongryê wê li ser amadekariyên teknîkî û beşdariya li kongreyê, agahiyan bide, dosyayek ji bername û rêziknameyê amade bike û pêşkêşî delegeyên kongreyê bike.

Vexwendînameya ji bo kongreyê wê di dema herî nêz de were amadekirin.

Koordînasyona me wê civîna xwe ya pêş di 22'ê Çileya 2017'an saet di 12:00 de li Kolnê pêk bîne."