Kesên ku di Komkujiya Roboskê de hatibûn qetilkirin di meha 119'an de careke dî hatin bibîranîn. Nuray Çevîrmen a ÎHD'yî diyar kir heta ku ser vê komkujiyê neyê ronîkirin sivîlbûna û demokratîkbûn nabe.

Balafirên şer ên Tirk 28'ê Mijdara 2011'an gundê Şirnexê Roboskê bombe kiribûn û 19 jê zarok 34 kes di komkujiyê de hatibûn kuştin.

Di meha 119'an a komkujiyê de endamên Helkefta Dadê ji bo Roboskê careke dî kesên ku hatibûn kuştin bi bîr anîn û xwestin ku berpirsên komkujiyê bêne darizandin.

Li daxuyaniya li ber Şûbeya ÎHD'ê ya Enqerê gelek kes hazir bûn.

Endama Desteya Rêveber a ÎHD'ê Nuray Demîr bal kişande ser Komkujiya Roboskê û got, ''Tişta ku em dijin nebûna dewlet, cezanekirin, şer û dadê ye. Ji bo kumkujiya bihurîna demê nîne. Heta ku ser Roboskê neyê ronîkirin û tiştên ku bûyîn ji gel re bi aşkereyî neyê vegotin li vî welatî wê sivîlbûn û demokratîkbûn nebe. Roboskê azmûna dewlet û desthilatê ye. Li van xakan rêya 'aştî û dadê' teqezî û pêşî wê ji Roboskê derbas bie. Roboskê şerma van xakan, birîna xwîngirtî û lêgerîna dadê ye.''