Kebudwend hate berdan
Serokê Rêxistina Mafê Mirov yê Rojhilatê Kurdistanê Mihemed Sedîq Kebudwend ku ji ber İdîaya li hember asayişa netewî ya Îranê kar kiriye hatibû girtin, piştî 10 salan hate berdan.
Îro Mihemed Sedîq Kebudwend piştî 10 salan ji Girtîgeha Ewîn ya Îranê hate berdan û ji aliyê malbata xwe ve hate pêşwazî kirin.
Mihemed Sedîq Kebudwend di sala 2007’an de hate girtin. Dadegeha Îranê Kebudwend bi îdîaya ‘li hember asayişa netewî kar kiriye’ û ‘li dijî Komara Îslamiya Îranê propaganda kiriye’ bi 11 salan hatibû ceza kirin. Lê li gorî madeya 134 ya cezayê Îranê 10 sal ceza li Mihemed Sedîq Kebudwend hatibû birîn.
