Milîsên Bêrîtan Nûrhak Çiya yên KBDH’ê daxuyaniyek nivîskî da û diyar kir ku roja 29’ê Hezîranê wan trafoya ku elektrîkê dide bajarokên Guvercînlîk û Adabuku yên Bodrûmê, îmha kir.

KBDH’ê ragihand ku ev çalakî weke bersiva “li dijî operasyona leşkerî ya ku artêşa dagirker li Bakurê Kurdistanê dayî destpêkirin” hatiye lidarxistin û got: “Di encama teqînê de trafo îmha bû û demek dirêj elekrîk nehat dayîna bajarokan.”

Di daxuyaniyê de ev hişyarî hate kirin: “Operasyonên leşkerî yên ku li Bakur dewam dikin, wê bêencam bimînin. Gerîla wê berxwedana xwe mezin bike. Milîsên me wê li dijî van êrîşên dagirkerî û îmhayê, bêdeng nemînin, wê her kêlî bibin şevtirska dijminê faşîst û piştevanên wê, wê metropolên Tirkiyeyê veguherînin guloka agir.”

KBDH’ê ev tişt jî got: “Di serî de ciwan, divê gelê me hem biçe herêmên operasyonê û hem jî xwedî li şehîdên xwe derkeve. Rejîma AKP-MHP’ê ya faşîst û her kesê hevkarê vî şerê wê yê qirêj, wê hesabê bidin. Em bang li hemû ciwan û şoreşgeran dikin; berxwedana gerîla mezin bikin û li dijî faşîzmê têbikoşin.”