Karkerê Amedî Serkan Aydin (19) ê li Kirşehîr di înşaeta têde dixebitî elektrîkê ew girt li Nexweşxaneya Kayserî ku tedawî didît jiyana xwe ji dest da.

Li gor agahiyên hatin wergirtin, Serkan Aydin ê di înşaeta TOKÎ ya li Taxa Bagbaşî ya Kirşehîr karê mermeran dikirin di asansora bar a tê îdîakirin ku kontaka elektrîkê têde heye elektrîkê ew girt. Ciwanê bi giranî birîndar bû bi ambulansê rakirin, Nexweşxaneya Perwerde û Lêgerînê ya Zanîngeha Ahî Evran.

Dilê Aydin ê sekinîbû bi mudaxeleya doktoran careke din ji nû ve xebitî, paşê bi ambulansa helîkopter a  Wezareta Tenduristiyê anîn Kayserî. Aydin li Klînîka Lezgîn a Zanîngeha Erciyes piştî mudaxeleyê vê carê jî şandin beşa lezgîn a nexweşxaneyeke taybet. Serkan Aydin duh jiyana xwe ji dest da.

Piştî otopsiyê xizmên Aydin cenazeyê wî birin Amedê.