Platforma Demokrasiyê ya Êlihê, ji bo sibê ku li Edliya Amedê doza sereke ya KCK’ê di nav de Şaredarê Êlihê Nejdet Atalay jî tê darizandin û ji bo hemû girtiyên siyasî azadî û edalet xwest. 

Platforma Demokrasiyê ya Êlihê, têkildarî rûniştina doza sereke ya KCK’ê ku di nav de Şaredarê Êlihê Nejdet Atalay jî heye û hemû girtiyên siyasî azadî û edalet xwest û daxuyanî da çapemeniyê.

Daxuyanî li ber Parqa Ataturk li ser Kolana Amedê pêkhat. 

Di daxuyaniyê de Wekîlê Şaredarê Êlihê Serhat Temel, hevsera Atalay Devrim Atalay û zarokê xwe, tevakarên Platform û gelek kesên din amade bûn. 
Di daxuyaniyê de pankarta “Ji bo pêvajoya çareseriya demokratîk mayînde bibe dozên KCK bika bên rakirin. Ji bo hemû girtiyên siyasî û Nejdet Atalay em azadî edaletê dixwazin” hate hildan. 

Wekîlê Şaredar Temel daxuyaniyek da û diyar kir ku ev ji sê sal nîvî zêdetire serok şaredarê wan Nejdet Atalay, şaredarî û siyasetmedarên BDP’ê bi awayekî bê hiqûq û edaletî tên darizandin. 

Temel, anî ziman ku ev hemû siyasetmedarên wan ji ber ku siyasetê kirine tên darizandin û hemû niha dîl tên girtin.
 

Temel, bal kişand ser ‘pêvajoya demokratîk’ û wiha got: “Pêvajoya em ketinê gelek girînge. Em hêvî dikin dê dozger û dadger jî li gorî hesasiyeta pêvajoyê tev bigerin û biryararek li ber çav bidin. Em dixwazin şaredarê me berdin û bila dîsa bê nav gelê xwe û xizmeta xwe bi domîn e. Tenê sûçdariya wan ji ber ku siyaseta mafdar a gelê xwe kirine. Demek beriya demekê bila hemû hevalên me û şaredarê me serbest berdin.”

Berdevkê Demê yê Platforma Demokrasiyê Bulent Hatun jî daxuyanî xwend. Hatun, diyar kir ku dê sibê doza KCK a serek li 6’mîn dadgeha cezayê giran a Amedê bê dîtin û got di nav  van kesan de Şaredar Nejdet Atalay û gelek şaredar û siyasetmedar hene û anî ziman ku wan vê bi hiqûqiyê û xeletiyê van girtiyan gelek caran bi çalekiya anîne ziman.

Hatun, bal kişand ser pêvajoyê û got di vê pêvajoyê de dozên KCK carek din hatiye bê watekirin.