Fermandarê CENTCOM'ê General Joseph Votel û rayedarên leşkerên DYA'yî yê pê re, çûn Kobanê û bi fermandarên Hêzên Sûriyeya Demokratîk (QSD) ku YPG jî di nav de ye, hevdîtin kir. Hat ragihandin, Votel bi rayedarên siyasî yên Rojavayê re jî rûniştiye.

Nûnerê Taybet ê Serokê Dewletên Yekbûyî yên Amerîka (DYA) Barack Obama Bret McGurk, serdana Votel a li Rojava piştrast kir. McGurk di hesabê xwe yê twîtterê de ev peyam nivîsand: "Di dema ku DAIŞ xwe di nava tarîtiya kûr vedişêre de, General Votel li Sûriyeyê bû."

Tê gotin, di hevdîtinên General Votel ên li Rojava de, li ser operasyona mezin a Reqqayê ya li hemberî DAIŞ'ê hatiye rawestîn. Hat ragihandin, di hevdîtinan de xurtkirin û zêdekirina têkiliyên navbera DYA, YPG û Hêzên Sûriyeyê Demokratîk hatiye nirxandin.

Generalê DYA'yê Joseph Votel ji herêmeke nehat eşkerekirin, bi helîkopterê derbasî Rojava bû.

Serdana Votel serdana destpêkê ya asta herî bilind a ji bo Rojava ye.