PARÎS

Li paytexta Fransa Parîsê ji bo êrîşên koma çete ya bi ser PDK’ê ya li ser Şengalê protesto bikin, li pêşiya buroya Nûnertiya PDK’ê çalakiyek hate lidarxistin.

Kurdistaniyên ku di saet 15:30’an de li pêşiya buroyê kom bûn, posterên Rêberê Gelê Kurd Abdullah Ocalan û alên YBŞ/YJŞ’ê bilind kirin. Di çalakiyê de dirûşmên “Bimre Îxanet, Bijî Şengal” û “Diktator Erdogan Hevkar Barzanî” hatin qîrkirin.

Di çalakiyê de Hevserokê Meclîsa Navenda Civaka Kurd a Demokratîk a Parîsê Mehmet Alî Yildiz axaftinek kurt kir û wiha got: “Dîroka PDK’ê ji îxantê tijî ye. Divê bi lezgîn Barzanî dev ji hevkariya qirêj a bi Erdogan re dide meşandin dev jê berde.”

WESSEL

Li bajarê Wessel ê Elmanyê, Meclîsa Dîaspora ya Şengalê, ji bo şehîdên HPG’ê û YBŞ/YJŞ’ê yên ku di encama êrîşa nemerdane ya çeteyên PDK’ê de li Şengalê şehîd bibûn, li Mala Êzidiyan a Wesselê civînekî ya bîranînê hate lidarxistin.

Civîn bi deqeyek rêzgirtinê û şûnde di saet 13:00’an de destpê kir. Nêzî 100 kes beşdarî civînê bûn. Di civînê de piraniya beşdarvanan welatiyên Êzidî bû ev jî bal kişand ser xwe.

Di civînê de Hevserokê Meclîsa Dîaspora ya Şengalê Fikret Îgrek axivî, rewşa dawî ya Şengal û êrîşên çeteyan nirxand.

Di axaftinê hatin kirin de êrîşên PDK’ê û AKP’ê yên li ser Kurdan hate şermezarkirin. Hat diyarkirin ku divê xwedî li hêza YBŞ/YJŞ’ê yên ku civaka Êzidî diparêzin xwedî lê derkevin.

13 ciwanên Şengalê yên ku tevlî civînê bûn, diyar kirin ku wê beşdarî meşa dirêj a ku wê di 20-27’ê Adarê ji Dûsseldorfê heta pêşiya Parlemetoya Ewropayê ya Brukelê bê lidar xistin bibin. Wê ji bo Êzidxanê seferber bibin.

Çalakî bi dirûşam “Bijî Berxwedana Şengalê” ve bi dawî bû.