Tê payîn Serokkomarê Tirk Tayyîp Erdogan di 16'ê Gulanê de serdana DYA bike. Kurê Serokê Giştî yê PDK'ê Mesûd Barzanî û Berpirsyarê Îstîxbarata PDK'ê Mesrûr Barzanî jî wê di heman wextê de li DYA be.

Hat ragihandin, Barzanî wê beşdarî bernameya saziyeke ramangeriya rastgir a bi navê Herîtage Foûndatîone bibe. Her wiha li ser operasyona Mûsilê û rewşa Başûrê Kurdistanê wê bi rayedarên DYA'yî re hin hevdîtinan bike.

Di rojeva Erdogan de, wê danûstandinên ji bo dijberiya li Kurdan û Rojava hebe. Beriya serdana Erdogan, Serokê DYA Donald Trûmp mohra xwe danîbû binê biryarnameya ji bo dayîna çekên giran a ji Hêzên Sûriyeyê Demokratîk re. Vê yekê rayedarên dewleta Tirk aciz kiribû.

Nayê zanîn bê Erdogan û Barzanî li DYA li hev rûnên ya na. Lê balkêş e ku her du jî di heman demê de wê li DYA bin.