Li gorî encamên destpêkê yên texmînî ku hatine weşandin Macron, ji dengên hatine dayîn ji sedî 65, 66 stend û di dema Komara 5’emîn a Fransayê de bû serokkomarê 8’emîn. Marine Le Pen a rastgiriya tund jî, ji sedî 34, 35 deng stendiye.

Tevlîbûna hilbijartinê ji saet 17:00'an ve sedî 65,3 bû û li gorî hilbijartinên dema borî rêjeya tevlîbûnê kêm e. Hejmara hilbijêrên ku îro neçûne ser sindoqan ji saet 20'an û pêve tê texmîn kirin ku sedî 25,5 be.

Li gorî encamên ku ne fermî Macron nêzî 20 milyon deng stendiye û Marine Le Pen jî ku di tûra 1’emîn de nêzî 7 milyon deng stendiye û 3,5 milyon dengê nû stendiye.

Marine Le Pen ku binketin piştî encamên hilbijartinê qebûl kir wiha got; "Gelê Fransayê ji bo rewşa heyî berdewam bike deng bikar daye, em ê li ser hilbijartinên giştî bisekînin. Wê partiya min guhertineke ji kokê ve bike û ev jî daxwazeke gelê Fransayê ye."

Le Pen bang li hemû ‘welatparêz’ên li Fransayê kir ku li gel partiya wê cih bigirin.