Gelek sazî û dezgehên ku Kurd û Tirkiyeyiyan li Ewropa bi rêxistin kirine, daxuyaniyek nivîskî weşand, banga boykotkirina Tirkiyeyê kirin.

Di daxuyaniya hevpar de li ser êrîşên qirkirinê yên AKP/Qesrê yên li ser gelê Kurd û beşên demokratîk hate rawestandin, hate diyarkirin ku “dewleta Tirk li hember gelê Kurd şerekî topyekun dimeşîne” û hate destnîşankirin ku ji ber êrîşên qirker ên li Kurdistanê bi sed hezaran kes neçarî koçkirinê bûne. Di daxuyaniyê de ev bang hate kirin:

‘JIYANA TI KESÎ NE DI EWLEHIYÊ DE YE!’

“Di serî de Kurdistanê, jiyana ti kesên ku li Tirkiyeyê muxalîf in ne di ewlehiyê de ye. Gelên li Tirkiye û Kurdistanê di bin zilma desthilatiya faşîst a Erdogan/AKP’ê de ne.

Ewlehiya canê ti kesî li Tirkiyeyê nîne. Hûn sûcên dewletê bibînin, bibîhîzin, bînin ziman wê karibe bibe sedema binçavkirina we, girtin, êşkence dîtin û dersînorkirina we. DAIŞ a ku dewlet diparêze û piştgirî didê, wek çawa li Pirsûs, Enqere, Stenbol, Parîs û Brukselê, bi bombeyên xwe yên zindî ve dibe we jî hedef bigire.

Ji bo em ji tevahî polîtîka û pêkanînên dîktatortiya faşîst a AKP/Erdogan re bibêjin ‘raweste’, ji bo piştgiriya têkoşîna demokrasî, aştî û azadiyê, em tûrîzma Tirkiyeyê boykot bikin. Piştgiriya aborî ya bi betlaneya li Tirkiyeyê, dibe gule, bombe û girtîgeh û li gelên me vedigere. Em nebin hevparên sûcên faşîzmê. Em Tûrîzma Tirkiyeyê boykot bikin!

‘EM TEVLÎ BOYKOTÊ BIBIN’

Di welatekî ku bi faşîzmê tê birêvebirin û her roj mafên mirovan tê binpêkirin de çûyina betlanê, tê wateya pişgirîdayînê. Em wek saziyên koçberan ên li Ewropa bang li civaka Ewropa dikin, pewîst e karker û kedkarên li Ewropayê ji bo betlanê neçin Tirkiyeyê û tûrîzmê boykot bikin.”

VEXWÎNÊR

Saziyê ku banga boykotê dikin ev in:

AvEG- Federasyona Koçberên Bindest ên Ewrupa

SKB- Yekîtiya Jinên Sosyalîst

NAV-DEM –  Navenda Civaka Demokratîk a Kurdên Elmanyayê

TJKE - Tevgara Jinen Kurd Ewropa

FKÊ - Federasyona Komeleyên Ezidiyan

FEDA – Federasyona Elewiyên Demokratîk

FCIK - Federayona Civaka Îslamiya Kurdistan

YXK - Yekitiya Xwendevanên Kurdistan

 KCD-E -  Kongreya Civaka Demokratik a Ewropa

Cîwanên Azad

Komew- Komeleya Malbatên Hindawî û Mexdûr

ADHK- Konfederasyona Demokratîk a Gelan a Ewropa

Nor Zartonk

SYKP ( Partiya Ji Nû Ve Avakirinê ya Sosyalîst) a Ewropayê

Partiya Azadî a Mezopotamyayê