Cara duyemîn ji aliyê Saziya Tiba Edlî hat îspatkirin ku pirsgirêkên derûnî yên Murat Nazaryan ê Marîtsa Kuçuk a Ermenî ya 85 salî qetil kir nînin.

Di rapora duyemîn a 29.08.2014 a ANF xwe gihandiyê de mîna di rapora duyemîn de tê destnîşankirin ku nexweşiyeke derûnî ya bersûc Nazaryan a bandorê li ser berpirsiyartiya cezaî bike tune ye û tê diyarkirin ku bersûc bi hîsên cinawirî an jî bi eziyetkirinê sûcê kuştinê kiriye berpirsiyartiya wî ya cezaî tam e.

Tevî îdîayên bersûcê qetilkirina Marîtsa Kuçuk a 85 salî Murat Nazaryan cara duyemîn ji aliyê Saziya Tiba Edlî ve hat diyarkirin ku derûniya Nazaryan ne xerab e. Marîtsa Kuçuk a 85 salî û bi eslê xwe Ermenî bi awayekî hovîtî bi 12 derbên kêrê hatibû qetilkirin.  Li gor rapora 24’ê Çileya 2012’an a ji aliyê Daîreya Îhtîsas a Çavdêriyê ya Tiba Edlî ve der barê bersûc Murat Nazaryan ê li 2. Dadgeha Cezayê Giran a bi cezayê muebbetê tê darizandin.  Nazaryan tevî rapora saziyê jî careke din diyar kiribû ku pirsgirêkên wî yên derûnî hene, ji aliyê doktorekî ve 6 mehan hatiye tedawîkirin û pirsgirêkên wî yên jibîrkirinê hene. Li ser vê yekê dadgehê ji Saziya Tiba Edlî xwestibû têkildarî rewşa derûnî ya Nazaryan lêkolîn bê kirin û raporek bê amadekirin.