Endamên Ciwanên Azad, li Bern, Bîelefeld û Bregenzê, di çarçoveya kampanya 'Azad bike' de çalakî lidar xistin.

BERN

Li bajarê Bern ê Swîsreyê, endamên Ciwanên Azad li Navenda Civaka Demokratîk a Kurd li hev civiyan û di çarçoveya kampanya 'Azad bike' de çalakiyek lidar xistin. Di çalakiyê de Koma Rojava ya muzîkê jî berhemên xwe pêşkêşî ciwanan kir.

Di çalakiyê de, ku 60 kes lê amade bûn, rewşa dawî ya siyasî hat nirxandin.

Ciwanan destnîşa kirin, ku azadiya Rêberê Gelê Kurd Abdullah Ocalan rojeva bingehîn a ciwanên Kurd e.

BÎELEFELD

Endamên Ciwanên Azad li bajarê Bîelefeld ê Elmanyayê jî, di çarçoveya kampanya 'Azad bike' ya ji bo azadiya Rêberê Gelê Kurd Abdullah Ocalan de, afîş daliqandin.

Ciwanan li navenda bajarê Bîelefeldê afîşên 'Azad bike' daliqandin û nivîsa 'Serok azad bike' li ser dîwêrê nivîsandin. Her wiha bang li hemû ciwanên Kurd kirin, ku ji bo azadiya Rêberê Gelê Kurd Abdullah Ocalan çalakiyan lidar bixin.

BREGENZ

Li bajarê Bregenz ê Awûstûryayê, endamên Ciwanên Azad ên Bregenz û St. Gallenê, çalakiyeke hevpar lidar xistin.

Ciwanan li ser dîwarê malên li dora UETD, ku lobiya AKP'ê ye, bi rêya spreyê dirûşme nivîsandin.