Înîsiyatîfa Dayikên Aştiyê yên Stenbolê, li dijî êrîşên li ser herêmên Bakur û Rojhilatê Sûriyeyê li ber avahiya Nûnertîya Partiya Wekhev a Demokrasî ya Gelan (DEM Partî) ya li Kanaryaya Kuçukçekmece ya Stenbolê daxuyaniyek da. Di daxuyaniyê de dawizên wekî “Jin jiyan azadî”, “Dayik aştî dixwazin" û “Ne bihuşta bin pê, em li cîhanê bihûştê dixwazin" girtin destê xwe û dirûşmên “Em şer naxwazin, aştî dixwazin”, “Ji şer re na, aştî hema niha" û “Jin jiyan azadî” hat berzkirin. Endama Înisiyatîfa Dayikên Aştiyê Revşan Guler li vir axivî û diyar kir ku li her çar aliyê Rojhilata Navîn şer didome û destnîşan kir ku êrîşên li dijî herêmên Bakur û Rojhilatê Sûriyeyê ji aliyê Tirkiyeyê ve tê meşandin. 

Revşan Guler, anî ziman ku ew li dijî şerê ku li tevahiya cîhanê belav dibe, têdikoşin û wiha got, “Em Dayikên Aştiyê her tim alîgerê demokrasiyê ne. Kesên ku aştiyê dixwazin divê dest bidin destê hev û samîmî nêz bibin. Ne Kurd ne jî Tirk bila negirîn. Em aştî û serketinê dixwazin. Bila her kes rol û mîsyonek bigire û ji şer re bêje na. Ji ber ku şer feydeyê nade kesekî. Divê di siyaset, aborî û diplomasiyê de her tim daxwazên me yên azadî û aştiyê bê ziman."