Di daxuyaniya nivîskî ya Neteweyên Yekbûyî (NY) de hat ragihandin, Nûnerê Taybet ê NY Staffan de Mîstûra wê ji bo danûstandinên 16'ê Gulanê yên navbera 'Sûriyeyiyan' vexwendînameyan bişîne.

Ev daxuyanî heman piştî peymana li Astanayê ya navbera Rûsya, Tirkiye û Îranê hate dayîn. Li gorî peymana Atanayê, li ser çar herêmên 'şer lê bê kêmkirin' li hev hatiye kirin. Di peymanê de hikumeta Sûriyeyê û komên çekdar qebûl kirine ku şerê li van herêman bisekinînin. Hê nayê zanîn bê di pratîkê de ev ê çiqasî karibe bi cih bê yan jî encama tê xwestin bi dest bikeve ya na.

Di hevdîtinên Atanayê de Nûnerê Taybet ê NY Mîstûra jî amade bû û Mîstûra ji bo van herêmên navborî gotibû, "Gaveke erênî û hêviyê dide."

Roja Duşemê jî buroya Mîstûra daxuyaniyek da bû û diyar kiribû, ew hêvîdar in peymana Astanayê bikeve meriyetê.

Hemû hewldanên li qada dîplomatîk ên li ser krîza Sûriyeyê bi ser neketin. Di hevdîtinên Cenevre û Astanayê de gaveke şênber ber bi pêş ve nehate avêtin. 

Kurd heta niha ji ber dijminatiya Tirkiyeyê ya li gelê Kurd, ji bo danûstandinan nehatin vexwendin.