Ciwanan li Parîsê li keştiyekê çalakiya bêîteatiya sivîl kirin
Li paytexta Fransa Parîsê, aktîvîstên TÊKO-JIN û Tevgera Ciwanên Şoreşger di çarçoveya pêngava "Bi hev re serhildan" de li keştiyeke gerê çalakiya bêîteatiya sivîl kirin.
Çalakî êvarê li paytexta Fransa Parîsê li keştiyeke ger û geştê pêk hat.
Di çalakiyê de pêngava "Bi hev re serhildan" hate silavkirin û êrişên mêtingeriyê yên dewleta Tirk ên li Kurdistanê hatin şermezarkirin.
Ciwanan bi hildana pankarta bi nivîsa "Bi hev re serhildan" dest bi çalakiyê kirin û li keştiyê qala êrişên qirkeriyê û dagirkeriyê yên dewleta Tirk kirin, êriş şermezar kirin.
