Tecrîda li ser Rêberê Gelê Kurd Abdullah Ocalan, li gelek bajarên Ewropayê hat şermezarkirin.

KOPENHAGEN: Ciwanên Kurd li paytexta Danîmarka Kopenhagenê, li 3 cihên cuda li dijî tecrîdê çalakî pêk anîn. Ciwanan ji bo demekê, kûleya Rûndetarn a dîrokî dagir kirin û pankarta bi 10 metreyan dirêj a bi nivîsa "Freedom For Ocalan, Free Kurdistan" nivîsandin. Li dora kûleyê jî li ser armanca çalakiyê belavok belav kirin. Ciwan piştre li botekê siwar bû û pankartên bi nivîsa "Free Kurdistan, Freedom For Ocalan" û "Remove PKK from the terror lists" vekirin. Ciwanan herÎ dawî her du parnkart bi pireke bilind ve kirin û çalakiya xwe qedandin.

HANNOVER: Li ser banga NAV-DEM'ê Kurdistanî û dostên wan li bajarê Hannover ê Elmanyayê, li dijî tecrîdê meşiyan. Meşa ji ber gara trenê ya navendî destpê kir, di nava kolanên qelebalix ên bajêr de dewam kir û piştre mîtîngek hat lidarxistin. Qisekerên mîtîngên xwestin tecrîda li ser Rêberê Gelê Kurd abdullah Ocalan were rakirin. Li aliyê din, di festîvala çandan a şaredariya Hannoverê de Navenda Civaka Demokratîk a Kurd jî konekî çandê û agahdarkirinê vekir.

MONTPELLÎER: Tecrîda li ser Rêberê Gelê Kurd Abdullah Ocalan li bajarê Montpellîer ê Fransayê bi mîtîngekê hat şermezarkirin. Di çalakiyê de gelek belavok hatin belavkirin û li ser navê Navenda Civaka Demokratîk a Kurd Cevat Guneş peyivî. Guneş got, heta ew agahiyê ji Ocalan bigirin, ew ê çalakiyên xwe bidomînin. Di çalakiyê de komkujiya li Dîlokê û hewldana dagirkirina Rojavayê Kurdistanê ji aliyê dewleta Tirk ve, hatin şermezarkirin.

GOTEBORG: Kurdistanî û dostên wan ên li bajarê Goteborg ê Swêdê dijîn, li dijî tecrîdê û dagirkirina Cerablûsê meş û mîtîngek lidar xistin. Çalakger li ser banga Navenda Civaka Demokratîk û Komîteyên Rojava li meydana Mîllenîûmplatsenê li hev civiyan û bi qasî 4 kîlometreyan meşiyan. Di meşê de belavokên li ser çalakiyê hatin belavkirin û piştre li meydana Jarntorgetê mîtîngek hat lidarxistin. Ji Navenda Çanda Gelê Kurd a Goteborgê Abdullah Devecî li vir axivî û bal kişand ser girîngiya Ocalan a ji bo gelê Kurd û gelên Rojhilata Navîn. Devecî tecrîda giran şermezar kir û ji bo azadiya Ocalan banga mezinkirina têkoşînê kir.

MARSÎLYA: Li bajarê Marsîlya yê Fransayê, tecrîda li ser Ocalan bi mîtîngekê hat şermezarkirin. Girseya gel a li meydana Canebîerre li hev civiya, tecrîd protesto kir. Çalakî wê di hefteya pêş de jî dewam bike.