Rûniştina doza li dijî rojnamevan Arzû Demîr, ku ji ber pirtûkên wê "Dagin Kadin Halî" û "Devrîmîn Rojava Halî" lê hat vekirin, wê sibe li 13. Dadgeha Cezayê Giran a Stenbolê dewam bike.
Pirtûka "Dagin Kadin Halî - Çiya bi rengê jinê" piştî sal û nîvekê û pirtûka "Devrîmîn Rojava Halî - Şoreş bi rengê rojava" pirtî salekê hatin berhevkirin.
Nûçegihana ETHA û ANF'ê Arzû Demîr, ji ber van her du pirtûkên xwe, wê sibe careke din derkeve pêşberî dadgehê.
Rûniştina sibe wê saet di 09:50 de li 13. Dadgeha Cezayê Giran a Stenbolê pêk were.
Dozgerê Tirk Omer Kayakaya îdîa dike, ku rojnamevan bi van her du pirtûkên xwe "propaganda rêxistinê kiriye" û dixwaze cezayê girtîgehê lê bê birîn.
Di rûniştina sibe de, piştî parastina parêzeran, tê payîn ku heyeta dadgehê biryara xwe eşkere bike.
