Biryara domandina rehîngirtina girtiyên giran nexweş Ozkan hate dayîn
Girtiyê giran nexweş Mehmet Emîn Ozkan dîsa nehate berdan.
Girtiyê giran nexweş Mehmet Emîn Ozkan dîsa nehate berdan.
Li navçeya Licê ya Amedê, ji ber kuştina Fermandarê Cendirmeyan ê Herêma Amedê Bahtiyar Aydin a di 22'ê cotmeha 1993'an de cezayê muebbetê li girtiyê nexweş Mehmet Emîn Ozkan ê 83 salî hatibû birîn. Di çarçoveya ji nû ve darizandinê de danişîna Ozkan li 7'emîn Dadgeha Cezayê Giran a Edenê pêk hat. Ozkan, ji girtîgehê bi rêya SEGBÎS'ê tevlî danişînê bû û parêzerên wî Yakûp Ataş û Tûgay Bek jî li danişînê amade bûn. Ji ber ku pirsgirêkên bihîstin û fêmkirinê dijî Ozkan nikaribû parastina xwe bike. Li ser pirsa serokê dadgehê, gardiyanê li cem Ozkan ev bersiv da: "Nikare we fêm bike û bibihîze."
Parêzerên Ozkan jî di danişînê de mafê axaftinê girtin û xwestin ku rewşa Ozkan a tenduristiyê li ber çav bê girtin û daxwaza berdana wî kirin. Heyeta dadgehê daxwaza parêzeran red kir û angaşt kir ku Doza Licê ya li 1'emîn Dadgeha Cezaya Giran a Îzmîrê tê dîtin nehatiye bidawîkirin.
Heyeta dadgehê biryara berdewama girtina Ozkan da û danişînê taloqî 21'ê Kanûnê kir.