Li paytexta Elmanya Berlînê, mîna her rojên Înê duh jî çalakiya "Keine Macht Erdogan- Freiheit ohne zensurwahl" a partiya Piraten (Partiya Korsanan - Piraten Partei) hat lidarxistin.

NAV-DEM, HDK û ATÎK'ê jî destek dan çalakiyê. Girseya gel a ber bi Sefaretxaneya Bilind a Tirk ve meşiya, komkujiyên ji aliyê AKP'ê ve tên kirin, şermezar kir.

BRÛNO: JI BER KU EM KOMKUJIYAN BILÊV DIKIN...

Piştî çalakiyê, Serokê Piraten Brûno Kramm e hefteya derbasbûyî ji ber xwendina helbestekê hat binçavkirin, ji ANF'ê re axivî.

Brûno da xuyakirin, ku wî komkujiyên li Tirkiyeyê li hemberî Kurdan, jin û zarokan tên kirin xistiye rojevê, lewma hatiye binçavkirin.

Brûno got, "Erdogan, heman zexta li Tirkiyeyê dike, dixwaze bi rêya Serokwezîr Merkel li vê derê li me bike."