Agir bi navendeke kaşûnê ya li Bolûyê ket: Herî kêm 10 kes mirin
Li Navenda Kaşûnê ya Kartalkaya ya Bolûyê agir bi otelekê ket. Herî kêm 10 kesan jiyana xwe ji dest dan, bi dehan kes jî birîndar bûn.
Li gorî rayedarên xwecihî, li Otela Grand Kartalê ji ber şewatê 10 kesan jiyana xwe ji dest dan, 32 kes jî birîndar bûn.
Hate ragihandin ku di dema şewatê de nîvê kapasîteya otelê tijî bû û derdora 234 mêvan li otelê hebûn.
Şewatê saet di 03:30'î de li restoranta li qatê çaremîn destpê kir û bi piraniya otelê ket.
