Hat ragihandin ku piştî daxuyaniya berpirsê PDK’ê yê li Şengalê Qasim Şeşo ku bê rêzî li pêxemberê îslamê kiriye doz hat vekirin û biryara girtina wî hat dexistin û hinek melayên li Behdînanê gef li Êzidiyên di nav kampên Dihokê de xwarine. Ji ber gefa êrîşan a li ser kampên koçberên Êzidî yên li Dihokê, bi hezaran Êzidî konên xwe berdane û berê xwe didin Şengalê. 

 Li gorî agahiyan her ku diçe rewşa li wan herêman aloz dibe, ji ber van gef û gefên êrîşkirina ser kampan, koçberên Êzidî yên li kampên Çemmişîko ya li Zaxo û kampên din ên Şengalê, kampên xwe berdidin û ber bi Şengalê direvin.
 

Hate zanîn ku rayedarên PDK’ê zordestiyê li ser Êzidiyan dikin ku li kampan bimînin, malbatên ku dixwestin di Deriyê Sînor ê Pêşxabur re derbasî Rojava bibin ji aliyê hêzên PDK’ê ve hatin astengkirin. Hate hînbûn ku niha li Deriyê Sînor ê Pêşxebûr kombûneke mezin heye.