Operasyona artêşa Iraqê ya ji bo kontrolkirina navçeya Hewîce ya Kerkûkê, ku 20 Îlonê dest pê kir, dewam dike. Di vê navberê de hêzên pêşmerge û artêşa Iraqê li ser pênc xalan li hev kirin. Di civînê de, ku nûnerên koalîsyona navneteweyî ya li dijî DAIŞ'ê jî lê amade bûn, peymana ji 5 xalan hate îzmekirin.

Ev her pênc xal wiha ne:

1- Hêzên Pêşmerge wê ji bo operasyona Hewîceyê rê li ber artêşa Iraqê vekin.

2- Pêşmerge wê destûrê bide ku penaberên ji Hewîceyê derbas bibin.

3- Eger pêwîstiya artêşa Iraqê pê hebe, wê lîwa 2. a Pêşmergeyan destekê bide artêşa Iraqê.

4- Piştî operasyonê wê artêşa Iraqê li cih û rewşa xwe ya berê vegere.

5- Pêşmerge wê xwe ji cihê kontrolkirî venekişîne.

Hewîce ji Tîrmeha 2014'an û vir ve di destê çeteyên DAIŞ'ê de ye. Ji bo kontrolkirina vê navçeyê, artêşa Iraqê tevî hêzên Heşdî Şabî, roja 20'ê Îlonê dest bi operasyonê kiribû.