Bi dirûşma "Em hemû asayîş in" nobeda berxwedanê ya ji bo xwedîderketina li Asayîşa Êzidxanê dewam dike.

Çalakî di roja 37'an de ye û her roj ji herêmeke Şengalê pêkhateyên herêmê serdana konê çalakiyê dikin û xwedî li asayîşê derdikevin.

Armanca çalakiyê ew e ku di serî de Asayîşa Êzidxanê saziyên Rêveberiya Xweser a Şengalê ji aliyê rêveberiya Bexdayê ve bên naskirin.

Berxwedan û çalakiyên Şengaliyan ên ji bo vê armancê, ji 9'ê Cotmeha 2020'î dema ragihandina lihevkirina rêveberiyên Hewlêr û Bexdayê ya li ser Şengalê û vir ve bênavber dewam dike.