Nasnameya gerîlayên ku li Herekolê şehîd bûn hate ragihandin
Navenda Ragihandinê ya HPG’ê nasnameya gerîlayên ku Îlonê li Herekolê jiyana xwe ji dest dan ragihand.
HPG’ê di daxuyaniyê de got di şerê giran ê Herkolê de, 17-18’ê Îlonê gelek leşkerên Tirk hatine kuştin, artêşa Tirk ji hewayî û bejahî teknîkeke zêde bi kar aniye û bi vê 13 gerîla şehîd bûne.
Daxuyaniya ku di malpera HPG’ê de wiha ye:
17’ê Îlonê artêşa Tirk a dagirker li Botanê bi ser qada Herekolê de bi desteka ÎHA’yan, ji hewayî û bejahî operasyoneke berfireh da destpêkirin. Di operasyonê de di navbera hêzên me yên gerîla û artêşa TC’ê de şerekî giran çêbû. Şer sibeha 17’ê Îlonê dest pê kir û heta bi şeva 18’ê Îlonê dom kir, artêşa Tirk derbên giran xwarin. Di şer de gelek leşkerên dijmin hatine kuştin û birîndar bûne.
Hêzên dagirker ku li dijî hêza me ya gerîla ya bi pêşengiya hevalê me Şervan Azad de derbên giran xwarî û neçar mayî, hem ji hewayê û hem jî ji bejahiyê teknîkeke zêde bi kar aniye. Di encama bombekirina teknîkî ya dijmin de 13 hevalên me yên li qadê heta hilma xwe ya dawî berxwedaniyeke mezin nîşan dane û şehîd bûne.
Koma me ya gerîla ya bi pêşengiya hevalê me Şervan ku şopdarê rêça berxwedanê ya nûnerên xeta Apoyî ya Botanê Egîd, Rojhat, Adil û Nûdayan e, li dijî dijmin careke dî dastana lehengiyê nivîsiye û carreke dî nîşanî dinyayê dahye ku berdêla wê çi dibe bila bibe ew ê li ber xeta radestbûnê ya ku TC ya dagirker li ser gelê me ferz dike, çokên xwe neşkînin. Berxwedaniya hevalên me yên ku ji çar parçeyên Kurdistanê, li bajarên cihê hatine dinê, bûne sembola giyanê hevpar ê neteweya Kurd û bûye derbirîna wê ku gerîla ku hêza sereke ya parastina Kurdistanê ye, li her deverê wê gelê me biparêze.
Em HPG sersaxiyê di serî de didine malbatên hevên me yên ku şehîd bûne û hemû gelê xwe yê welatparêz û di şexsê hevalên me de yên ku şehîd bûne, em careke dî sond dixwin ku, li dijî hewldanên dagirkirinê yên bi ser Kurdistanê de heta ku Rêber Apo û gelê me azad bibe em ê têbikoşin.
Agahiyên sivîlê yên hevalên me yên ku şehîd bûne wiha ne;
|
|
Nasnav: Şervan Azad |
|
|
Nasnav: Ayten Derik |
|
|
Nasnav: Bahoz Tolhildan |
|
|
Nasnav: Erdal Mûnzûr |
|
|
Nasnav: Eşref Kûrtay |
|
|
Nasnav: Evrîm Şahîn |
|
|
Nasnav: Jînda Firat |
|
|
Nasnav: Kûrtay Faraşîn |
|
|
Nasnav: Roj Gîvera |
|
|
Nasnav: Simko Leylax |
|
|
Nasnav: Şahîn Amed |
|
|
Nasnav: Şervan Nûrhak |
|
|
Nasnav: Zeynep Asya |
