Malbata Şenyaşar bi biryar e: Em ê dest ji têkoşîna edaletê bernedin
Malbata Şenyaşar di çalakiya destpêkê ya Nobeda Edaletê de ya piştî hilbijartinên 14'ê Gulanê careke din destnîşan kir ku wê ti carî dest ji armanca xwe bernedin.
Çalakiya Nobeta Edaletê ya Malbata Şenyaşar di 9’ê adara 2021’an de li ber Edliyeya Rihayê da dest pê kirin di roja 784’an de berdewam dike.
Ferît Şenyaşar ê ji mala xwe ya li navçeya Pirsûsê derket û hate ber deriyê Edliyeya Rihayê li ber pankarta “Ji bo malbata Şenyaşar edalet” da destpêkirin. Emîne Şenyaşar jî ji ber pirsgirêkên xwe yên tenduristiyê nekarî tevli nobeta îro bibe.
Malbatê li ser hesaba xwe ya medyaya dîjîtal ev peyam parve kir: “Me bi ‘derew’ û ‘hîleyên we’ re nekarî. Ev ji me re bû derd. Em ‘qet’ dest ji têkoşîna xwe ya edaletê bernadin bila ev ji we re bibe ‘derd’. Di roja 784 a Nobeta xwe ya Edaletê em li ber Edliyeya Rihayê ne…”
