Kebûdwend: Leşkergehên Tirk ên li Başûrê Kurdistanê cihê şermê ye
Çalakvanê mafên mirovan û rojnamevanê ji Rojhilatê Kurdistanê Mihemed Sedîq Kebûdwend got, "Leşkergehên rejîma Tirkiyeyê li Başûrê Kurdistanê cihê xemgînî û şermê ye."
Çalakvanê mafên mirovan û rojnamevanê ji Rojhilatê Kurdistanê Mihemed Sedîq Kebûdwend got, "Leşkergehên rejîma Tirkiyeyê li Başûrê Kurdistanê cihê xemgînî û şermê ye."
Nerazîbûna li hember kuştina welatiyên Başûrê Kurdistanê ji aliyê dewleta Tirk ve û hewldanên PDK'ê yên ji bo rewakirina kuştina Kurdan ji aliyê dewleta Tirk, li hundir û derveyî welat didome.
Mihemed Sedîq Kebûdwend, çalakvanê mafên mirovan, rojnamewan û berpirsê Saziya Parastina Mafê Mirovan li Kurdistanê, li ser hesabê xwe yê Twitterê peyamek weşand û helwesta xwe li ser kuştina welatiyên Başûrê Kurdistanê ji hêla dewleta dagirker a Tirk, nîşan da.
وجود دهها پایگاه نظامی-استخباراتی #رژیم_سرکوبگر_ترکیه در #اقلیم_ڪوردستان هم تٲسف برانگیز است و هم شرم آور. #مردم_ڪورد_خاورمیانه ظاهرإ باید تنها با اتکاء به #نیروی_مدنی_اهیمسایی خود، مانع از #خشونت و #جنایات سرکوبگران شوند و خود را از انقیاد #استعمار و #خودبرتر_پنداران، برهانند. pic.twitter.com/91RqWlFde1
— کبودوند.م.ص Kaboudvand (@KaboodvandS) January 27, 2019
Kebûdwend dibêje, "Hebûna baregehên leşkerî û sîxûrî yê rejîma Tirk li herêma Kurdistanê hem cihê xemgînî û hem jî cihê şermê ne. Gelê Kurd li Rojhilata Navîn xuya ye divê pişta xwe bidin hêzên xwe yên sivîl, pêşiya zordarî û zilma desthilatdaran bigirin û xwe ji qeydên mêtîngerî û xwehezan xilas bikin."
Hêjayî gotinê ye ku Mihemed Sedîq Kebûdwend ji ber xebatê mafê mirovan û parastina gelê Kurd, 10 salan li zîndana rejîma Îranê de girtîbû û di 12'ê Gulana 2017'an hate berdan.