HPG’ê şehîdên Cûdî û Geverê bi bîr anî
HPG’ê nasnameya 5 gerîlayên şehîd ên li Gever û Cûdî eşkere kir. HPG’ê şehîd bi hurmet bi bîr anî û got ku “Em soza xwe dubare dikin ku em ê alaya têkoşînê ya şehîdên xwe bigihînin serfiraziyê.”
HPG’ê bi daxuyaniyeke nivîskî nasnameya 5 gerîlayên şehîd ên li Gever û Cûdî eşkere kir.
Di daxuyaniya HPG’ê de ev tişt hate diyarkirin:
“Di daxuyaniya me ya di 21’ê Tîrmehê de me diyar kiribû ku di 18’ê Tîrmehê de artêşa Tirk a dagirker li qada Talê ya Gevera Colemêrgê êrîşeke hewayî kiribû û di vê êrîşê de 2 rêhevalên me şehîd bûne. Di van êrîşan de rêhevalên me Sînan (Vedat Bîngol) û Zagros (Serhat Kaya) tevlî nav refên şehîdan bûne.
Di daxuyaniya me ya di 29’ê Tîrmehê de me diyar kiribû ku di 27’ê Tîrmehê de artêşa Tirk a dagirker li qada Navsera Cûdî ya Cûdî ya li Şirnexê operasyonek daye destpêkirin û di 28’ê Tîrmehê de jî êrîşên hewayî kiriye. Di van êrîşan de rêhevalên me Serhildan (Mûhammed Şîrîn Anakîn), Şervan (Zindan Şeveşoglû) û Şevger (Mehmet Ozgur Otlaz) şehîd bûne.
‘EM Ê ALAYA WAN A TÊKOŞÎNÊ BIGIHÎNIN SERFIRAZIYÊ’
Rêhevalên me Sînan û Zagros di demên cihê de tevlî nav Tevgera Azadiyê bûne. Rêheval Sînan û Zagros qirkirina li ser gelê Kurd qebûl nekirine û bi awayekî çalak tevlî nav refên gerîlayan bûne. Li Çiyayên Zagrosê li hemberî dijmin şer kirine û bûne xwediyên keda pîroz. Xeta berxwedanê ya rêheval Sînan û Zagros ji me re bûye mînak.
Rêheval Serhildan, Şervan û Şevger jî li bajarê Şirnexê yê Botanê ji dayik bûne û li hemberî konsepta îmhakirinê ya dewleta Tirk a dagirker tevlî nav refên gerîlayan bûne. Rêhevalên me li ser axa ku ji dayik bûne, têkoşîneke bi rûmet kirine û li Çiyayê Cûdî li hemberî dagirkeran bi qehremanî şer kirine.
Malbatên hêja yên rêhevalên me yê li Gever û Cûdiyê şehîd bûne di serî de, em sersaxiyê ji hemû gelê Kurdistanê re dixwazin û soza xwe dubare dikin ku em ê alaya têkoşînê ya ku şehîdan dane me, em ê bigihînin serfiraziyê.
NASNAMEYA GERÎLAYAN
|
|
Nasnav: Sîna Rapo Nav û paşnav: Vedat Bîngol Cihê jidayikbûnê: Erzirom Navê dê û bav: Selma – Hulkî Dîrok û cihê şehadetê: 18’ê Tîrmeha 2019’an/Gever |
Sînan – Vedat Bîngol
|
|
Nasnav: Zagros Sînan Nav û paşnav: Serhat Kaya Cihê jidayikbûnê: Colemêrg Navê dê û bav: Semîhe - Osman Dîrok û cihê şehadetê: 18’ê Tîrmeha 2019’an / Gever |
Zagros – Serhat Kaya
|
|
Nasnav: Serhildan Cûdî Nav û paşnav: Mûhammed Şîrîn Anakîn Cihê jidayikbûnê: Şirnex Navê dê û bav: Xezal - Abdullah Dîrok û cihê şehadetê: 28’ê Tîrmehê 2019’an/Cûdî
|
Serhildan – Mûhammed Şirîn Anakîn
|
|
Nasnav: Şervan Delîla Nav û paşnav: Zindan Şeveşoglû Cihê jidayikbûnê: Şirnex Navê dê û bav: Turkan – Gazî Dîrok û cihê şehadetê: 28’ê Tîrmehê 2019’an/Cûdî |
Şervan – Zindan Şeveşoglû
|
|
Nasnav: Şevger Çiya Nav û paşnav: Mehmet Ozgur Otlaz Cihê jidayikbûnê: Şirnex Navê dê û bav: Aynûr - Yûsûf Dîrok û cihê şehadetê: 28’ê Tîrmehê 2019’an/Cûdî |
Şevger – Mehmet Ozgur Otlaz"
