Di daxuyaniya Navenda Ragihandin û Çapemeniyê ya HPG'ê de hate gotin, "Artêşa Tirk a dagirker bi teknîka xwe ya şer êrîşên giran tîne ser hêzên me."

Di daxuyaniyê de hate gotin, "Çeperên berxwedanê yên hêzên me carekê bi bombeyên qedexekirî û 103 caran jî bi obus, tank û çekên giran hatin bombekirin. Eşkere bû ku hevrêya me ya 22-23'ê Çileya 2023'an li herêma Besta ya Botanê şehîd bû hevala Ronahî Penaber e."

Der barê êrîşên artêşa Tirk a dagirker de ev agahî hatin dayin:

"Li herêma Zapê;

1'ê Adarê saet di 13:30'î de dagirkeran êrîş birin ser çeperên me yên berxwedanê yên li Sîdayê. Hêzên me jî ji bo xwe biparêzin bi çekên giran bersiv dan.

2'ê Adarê saet di 06:30'î de dagirkeran êrîş birin ser çeperên me yên berxwedanê yên li Çemçoyê. Hêzên me yên YJA Starê jî ji bo xwe biparêzin bi sûîqestê bersiv dan û di encamê de dagirkerek hate cezakirin.

Êrîşên artêşa dewleta Tirk a dagirker ên bi bombeyên qedexekirî;

1'ê Adarê çeperên me yên berxwedanê yên li Sîdayê carekê bi bombeyên qedexekirî hatin bombekirin.

Êrîşên artêşa Tirk a dagirker;

1 û 2'ê Adarê çeperên me yên berxwedanê yên li Çemço û Sîdayê 103 caran bi helîkopterên êrîşê, obus, tank û çekên giran hatin bombekirin.

Di daxuyaniya 5'ê Sibata 2023'an de me agahî dabû ku 6 hevrêyên me di 22 û 23'ê Çileya 2023'an de li herêma Besta ya Botanê, di şerê dijî dijmin de şehîd bûn. Her wiha me agahiyên li ser nasnameya hevrêyên me Rojbîn, Delîla, Sila, Nûda û Dîrok parve kiribûn û diyar kiribûn ku agahiyên li ser nasnameya hevrêya me ya din dema eşkere bû, wê bi raya giştî re bêne parvekirin. Hevrêya me ya şeşemîn a ku şehîd ket, fermandara me ya fedaî Ronahî Penaber e."

Li gorî daxuyaniyê agahiyên li ser nasnameya gerîlaya şehîd bûye wiha ne:

Nasnav: Ronahî Penaber Nav paşnav: Aysel Bayhan Cihê jidayikbûnê: Wan Dayik-Bav: Nahîde-Emîn Dem û cihê şehadetê: 22'ê Çileya 2023 / Besta

 Di dewama daxuyaniyê de hate gotin, "Wan ku yek ji bajarên qedîm ê Kurdistanê ye, li gel êrîşên dewleta Tirk a mêtinger û faşîst tawîz ji xeta berxwedanê neda û bû yek ji bajarên me yên sereke ku welatparêzî lê kûr û xurt e. Xelkê me yê Wanê bi rêxistiniya xwe ya xurt a eşîrî, li dijî êrîşên qirkirinê ne tenê li ser piyan ma, di heman demê de bersiva herî xurt da û bi vê taybetmendiya xwe bû mînak. Hevrêya me Ronahî jî li nava yek ji eşîrên me yên qedîm ên berdêl da û timî cihê xwe di nava têkoşîna parastina rûmetê de girt; li nava eşîra Mamxurî ji malbateke welatparêz ji dayik bû û mezin bû. Hevrêya me Ronahî ji ber ku li nava malbat û derdoreke dilsozê têkoşîna me ya azadiyê mezin bû, hîn di zarokatiyê de hişê welatparêziyê wergirt. Ji ber polîtîkaya şewitandina gundan û koçberkirinê ya dewleta Tirk a faşîst, hîn di zarokatiyê de neçar ma ku tevî malbata xwe koçî Mexmûrê bike. Ev yek bû sedem ku hevrêya me Ronahî rastiya dijmin fêhm bike û bibe xwedî hêrseke mezin. Hevrêya me Ronahî bi hesreta xaka lê ji dayik bû, mezin bû û her tim dixwest hesab ji dijmin bipirse. Pê hesia ku vê armanca xwe li nava refên gerîla dikare bike û bi vê armancê sala 2009'an tevlî nava refên gerîla bû.

Hevrêya me Ronahî ku bi heyecaneke mezin hat çiyayên azad ên Kurdistanê, heta şehîd bû ev heyecana we domand. Hêrsa hevrêya me Hêrsa rêhevalê me Ronahî û hezkirina wê ya ji bo gerîla bû sedem ku zûtir tevlî nav jiyanê bibe. Hevrê Ronahî ku li Xakurkê dewreya xwe ya nû ya perwerdehiya şervaniyê girt, piştî perwerdeya xwe bi serkeftî bi dawî kir, derbasî pratîkê bû. Hevrêya me Ronahî ku li qadên Xinêrê, Avaşîn, Cîlo, Garê û Metîna gelek peywir stend, xwedî tecrubeyeke mezin e. Hevrê Ronahî ku di dema tetbîqata xwe de xwe di warê leşkerî de bi pêş xist, weke gerîlayeke pispor û bi stendina perwerdehiyên branşê bi awayekî aktîftir beşdarî pratîkê bû. Hevrêya me Ronahî ku xwedî tevlîbûneke kedkar û fedakar e, bi van taybetiyan ji aliyê hevrêyên xwe ve weke mînak dihate dîtin. Hevrêya me Ronahî ku dît ku pêşketina leşkerî têr nake û di Akademiya Jina Azad a Şehîd Berîtan de perwerde bû. Hevrêya me Ronahî kêmasiyên di pratîkê de dît û di pêvajoya perwerdehiyê de li van kêmasiyan konsantre bû. Hevrê Ronahî ku di pêvajoya perwerdeyê de li ser bingehên jiyana azad û pratîka wê kûr bû, bi nîqaşan re pêşveçûna bi hevalên we re par ve kiriye. Hevrêya Ronahî ku bi helwesta xwe ya bi rûmet karîbû bibe rêhevalek ku ji aliyê hevalên xwe ve dihat hezkirin û hurmeta wê tê girtin, heta şehadeta xwe vê tevlêbûna xwe domand. Dîsa di pêvajoya perwerdehiyê de li ser têgihiştin û pratîkkirina Îdeolojiya Rizgariya Jinê sekinî. Hevrêya me Ronahî ku her tim li ser artêşbûna jinê nîqaş dikir, bi pratîk û tecrûbeyên xwe ji bo bibe fermandara pêşeng a YJA Starê gavên xurt avêt. Hevrêya me Ronahî li ser û jiyana di xeta Zîlan û Bêrîtan de geriya. 

Hevrêya me Ronahî ku kîn û hêrsa xwe ya li hemberî dijmin bi ser ket û hestên xwe veguherand zemîna têkoşînê. Hevrêya me Ronahî ku her ku hêrsa di hundirê wê de mezin dibû têkoşîna xwe li ser vê bingehê li Botanê domand. Li Botanê li gelek qadan ma. Hevrêya me Ronahî ku li vir di gelek qadan de cih girt, weke fermandara pêşeng a YJA Starê pratîkên serkeftî pêk aniye. Hevrê Ronahî tevlî gelek çalakiyên xurt bû yên ku derbên giran li dijmin hate xistin. Di van çalakiyan de rola xwe ya pêşeng lîst û bi cesaret û biryardariya xwe ji bo hevrêyên xwe bûye çavkaniya hêz û moralê. Hevrêya me Ronahî ku di tevahiya jiyana xwe ya şoreşgerî de li ser xeta şehîdan bû û ji bo pêkanîna pêdiviyên vê xetê têdikoşiya, bi çalakiya xwe bû şervana tolhildana şehîdên me.

Hevrêya me Ronahî di 22’ê Çileya 2023’an de li herêma Besta di encama pevçûna bi dijmin re şehîd û di jiyana xwe de mîraseke mezin a berxwedanê hişt. Em hevrêyên wê soz didin ku em ê mîrateya berxwedanê ya hemû şehîdên me bi taybet ya hevrê Ronahî mezin bikin û jiyana di xeyalên wan de pêk bînin.

Li ser vê bingehê serî de ji malbata welatparêz ya hevrê Ronahî re em sersaxiyê ji gelê Kurdistanê yê welatparêz re dixwazin."