Navenda Ragihandin û Çapemeniyê ya HPG’ê têkildarî êrîşên dagirkeriyê yên dewleta Tirk ên li ser herêmên Zap û Avaşîn ên Herêmên Parastinê yên Medyayê ev agahî parve kir:

“Hêzên me li ser esasê perspektîfa Şerê Gel ê Şoreşgerî, bi ruhê fedayî yê Apoyî û cesareteke bilind li gelek herêman li dijî dagirkeran çalakiyên bi bandor li dar xistin. Tîmên gerîla yên nîv bi tevger û hêzên me yên li çeperên şer di roja 40’emîn a berxwedana dîrokî de bi performansek bilind derb li dagirkeran xistin. Artêşa Tirk a ku nekarî ti encamê bi dest bixe, dîsa ji bêçaretiya xwe 23 caran bi çekên kîmyewî, 31 caran bi balafirên şer û bi sedan caran bi obusan qadên berxwedanê bombebaran kir, lê ti encamek bi dest nexist. Di encama çalakiyên ji aliyê hêzên me ve hatin lidarxistin de 19 dagirker hatin cezakirin, 4 dagirker birîndar bûn,  çeperek, 2 pergalên kamerayên mobesse û 1 teleskopa leşkerî hatin rûxandin, çeperek û garajek jî hate derbkirin.

Agahiyên derbarê çalakiyên ku hatine lidarxistin wiha ne;

LI HERÊMA AVAŞINÊ;

23’ê Gulanê di saet 13:00’an de dagirkerên li derdora Girê Werxelê ya li Qada Berxwedanê ya Werxelê ji aliyê hêzên me ve bi taktîkeke sûîqestê hatiye hedefgirtin û li wan hatiye xistin û 1 dagirker hatiye cezakirin. Dagirkerên ku heman rojê danê nîvro fealiyetên çavdêriyê dikirin û xwestin li herêmê pergala kamera mobesse saz bikin, ji aliyê hêzên me ve bi çekên giran hatin hedefgirtin û li wan hat xistin. Piştî destwerdana hêzên me, dagirker pergala kameraya mobesse ya ku bi xwe re anîbûn hiştin û reviyan.

LI HERÊMA ZAPÊ;

Di 22’ê Gulanê de artêşa Tirk a dagirker piştî ku çeperên şer ên Şehîd Tolhildan ên li Qada Berxwedanê ya Kurojahro bi çekên kîmyewî û teqemeniyan bombebaran kirin, xwest bi pêş ve biçe. Di encama mudaxeleya hêzên me de di navbera dagirkeran û hêzên me de şerên dijwar qewimîn. Dagirkerên ku li wan hat xistin neçar man, vekişin.

Di 22 û 23’ê Gulanê danê nîvro de, dagirkerên li derdora çeperên şer ên Şehîd Hewrê yên li Qada Berxwedanê ya Şehîd Şahîn, ji aliyê hêzên me ve bi çekên ferdî û giran hedef hatin girtin. Piştî destwerdana hêzên me, dagirker neçar man gavekê paşde vekişin.

Di 23’ê Gulanê de hêzên me bi taktîkên sabotajê li dagirkerên li herêma Cîloya Biçûk xistin. Di encama vê çalakiyê de 2 dagirker hatin cezakirin.

23’ê Gulanê di saet 11:40’an de hêzên me  dagirkerên li derdora çeperên şer ên Şehîd Berxwedan ên Qada Berxwedanê ya Şehîd Şahîn hedef girtin û li wan xistin. Di encama çalakiyê de 2 dagirker hatin cezakirin,  çeperek, teleskopeke leşkerî û 2 pergalên kamerayên mobesse hatin rûxandin. Piştî çalakiyê, dagirkerên ku xwestin çeperên şer bi teqemeniyan bombebaran bikin bûn armanca lêdana hêzên me. Li vir jî 2 dagirker hatin cezakirin û dagirkerek jî bi giranî birîndar bû. Dagirkerên ku di saet 17:50’an de careke din xwestin bi pêş ve biçin, vê carê ji aliyê hêzên me ve bi çekên giran hatin hedefgirtin û li wan hat xistin.

Di encama van çalakiyên bi bandor ên hêzên me de; 4 dagirker hatin cezakirin, dagirkerek bi giranî birîndar bû, çeperek, 2 pergalên kamerayên mobesse û teleskopeke leşkerî hatin rûxandin. Êvara heman rojê artêşa Tirk a dagirker 12 caran çeperên şer bi çekên kîmyewî û teqemeniyan bombebaran kir.

23’ê Gulanê saet 09:00’an artêşa TC’ê ya dagirker li derdora çeperên şer ên Qada Berxwedanê ya Şikefta Birîndara xwest bikeve nava liv û tevgerê, ji aliyê hêzên me bi çekên ferdî ji nêz ve hatin gulebarankirin. Heman rojê saet 19.00’an hêzên me careke din bi bombeyên destan û çekên ferdî li dagirkerên ku xwestin ber bi çeperên şer ve bi pêş ve biçin, xistin. Di encama van çalakiyên hêzên me de herî kêm 3 dagirker hatin cezakirin û dagirkerek jî birîndar bû.

Di 23’ê Gulanê de artêşa Tirk a dagirker 11 caran bi çekên kîmyewî û teqemeniyan çeperên şer ên Şikefta Birîndara, Girê Cehenem û Şehîd Berxwedan bombebaran kir.

LI HERÊMÊN METÎNA Û HEFTANÎNÊ;

Roja 23’ê Gulanê saet 16.30’an qereqola Kanî Masî ya artêşa Tirk a dagirker a li bajarokê Kanî Masî ya girêdayî Duhokê bû hedefa hêzên me. Di encama lêdanên bi bandor ên hêzên me de li xeraj û çepereke li qereqolê hate xistin.

Di 23’ê Gulanê saet 05:00’an de yekîneyeke veşartî ya artêşa Tirk a dagirker li qada Şehîd Agir a Girê Ortê ya herêma Metîna, piştî ku ji aliyê hêzên me ve hate kontrolkirin, bi bombeyên destan û çekên ferdî bi awayekî bandor li wan hate xistin. Di encama vê çalakiyê de 2 dagirker hatin cezakirin.

Di 19’ê Gulanê saet 11.40’an de dagirkerên li derdora Girê Xaç a girêdayî Xantûr ya herêma Heftanînê ku di tevgerê de bûn, bûn hedefa hêzên me. Di encama vê çalakiya bi bandor a hêzên me de 7 dagirker hatin cezakirin û 2 dagirker jî birîndar bûn.

Çalakiyên li Metîna û Heftanînê ji bo hilanîna tola fermandarên me yên nemir rêhevalên me Mîrza û Andok hatin lidarxistin.

ÊRÎŞÊN DAGIRKIRINÊ

Artêşa Tirk a dagirker bi sedan caran bi balafirên şer, helîkopterên êrîşê û obusan Herêmên Parastinê yên Medyayê bomberdûman kir.

Agahiyên êrîşan wiha ne:

Di 23’ê Gulanê de Girê Amediyê, Girê Bihar, Girê FM, Saca, Çemço, Rênçbir Axa, Şikefta Birîndara, Kurojahro û Sîda yên girêdayî herêma Zapê li ser xeta sînor bi obusan, helîkopterên êrîşê û 17 caran balafirên şer hatiye bombebarankirin.

Di 23’ê Gulanê de qadên Girê Hakkarî, Geliyê Beşîle û Golka yên herêma Metîna ji qereqolên li ser xeta sînor bi obusan û 10 caran jî bi balafirên şer bombe kirin.

Di 23’ê Gulanê de herêma Berxwedana Werxelê ya herêma Avaşînê 4 caran ji aliyê balafirên şer ve hatiye bombekirin.

Di 23’ê Gulanê de ji qereqolên li ser xeta sînor quntarên Girê Şekîf û qadên Geliyê Lolan ên herêma Xakurkê bi obus û hawanan hatin bombekirin"