Ji Gerîlayên HPG’ê Rûbar Xemgîn bal kişande ser vê projeya dewleta Tirk a dagirker û got, “Êrişên dewleta Tirk a dagirker a 17’ê Nîsana 2022’an di rastiya xwe de berdewamiya projeya wan a ku sala 2021’an dest pê kirine. Tê zanîn ku di operasyona par a 23’ê Nîsanê dest pê kir û bi dirêjahiya salê dewam kir de dewleta Tirk bi ser neketibû. Jibo ku projeya xwe ya dagirkirinê dewam bikin, îsal di 17’ê Nîsanê de carek din êrişên berfireh pêk anîn.

‘LI HEMBER ÎRADEYA MIROV TEKNÎK BÊ ÇARE YE’ 

Di şerê tunelan de bi berdewamî êrişên bi çekên kîmyewî pêk tên. Li kêleka vê her roj teqemenî bi cih dikin û hêvî dikin ku encamekî bigirin. A dûyemîn jî ji bejahiyê ve her çiqasê bixwazin serweriya xwe bidin çêkirin, lê tarzê tîmên bi tevger a gerîla rê nade vê yekê. Ji ber wê şerê ku dimeşînin a teknîkê ye û jixwe ji derveyê wê tiştek din ji destê wan nayê. Jixwe her kes dibîne ku operasyona wan ne serkeftî ye.”

‘DAXISTINA LEŞKERAN JÎ ÊDÎ NE HÊSAN E’ 

Gerîla Rûbar Xemgîn di dewama axaftina xwe de îşaret bi hewldanên daxistina leşkeran li qadê ku ji ber rastî destwerdana gerîlayên azadiyê tê û bê encam dimînin kir û wiha pêde çû; “Em lê binêrin dewleta Tirk heya ku çend leşkerên xwe daynê ser girekî çiqas zehmetî dikişîne. Di vî şerî de gerîla giranî da mijara ne hiştina daxistina leşkeran û ev yek bi encam bû. Dewleta Tirk sîstemekî parastinê ya xurt li gel gerîla dît. Bi şev û roj hewildanên wan têk çûn û leşkerên wan di nav helîkopterên derbxwarî vedigerin.

‘EM LI SER TARZ Û TEVGERÎNA XWE KÛR BÛN’ 

Me ji berxwedana sala par danehevekî pir girîng bi dest xist. Bi taybet em li ser tarz û taktîkan rawestiyan. Ji ber wê îro di şer de gerîla dewleta Tirk neçar dihêle ku xwe berde bejahiyên mehkûm. Di Cenga Xabûrê de jî bi rihê hevalên me yên Zendûra û îsal jî em ê şerê gerîla a sedsalê nîşanê dewleta Tirk bidin. Ev 2 sal in dewleta Tirk encam ne girtî û her çiqas êrişên xwe berfireh bike jî lê ew encam nagire.”

Gerîlayê HPG’ê Xemgîn bal kişande ser rola PDK’ê ya di şerê heyî de û got; “Di vî şerî de PDK bi rolekî çalak a hevkariyê radibe. Ji par de heger di navbera gerîla û hêzên PDK’ê de şer rûnedaye, ev ji hesasiyeta gerîla a netewî tê. Esas yê ku zextê li ser PDK’ê bike û wê ji vê riyê vegerîne gelê Kurd bi xwe ye.”

‘DERÛNIYA LEŞKERÊN DAGIRKER TÊK ÇÛYE’

Ji Gerîlayên HPG’ê Elîşêr Amed jî diyar kir ku derûniya leşkerên dagirker têk çûye û nikarin li hember gerîla şer bikin. Amed wiha dest bi axaftina xwe kir, “Operasyona ku pişta xwe daye teknîkê û dixwaze planê dagirkeriyê pêk bîne niha li dar e. Ji derveyî teknîkê her tiştê dewleta Tirk şikestiye. Ji xwe rewşa leşkerên wan tê zanîn ku neçarî û xitimandinekê dijîn û her roj ser destê gerîla darbe dixwin. Bêguman ev şer ji aliyê gerîla ve bi tarzekî nûjen pêş dikeve û ev tarz li qadên şer encam digire. 

‘GERÎLA KURDISTANÊ DIPARÊZE’

Dewleta Tirk di şexsê PKK’ê de dixwaze gelê Kurd tune bike. Lê Gerîlayên Kurdistanê ku ji Rêbertî û şehîdên xwe hêz digire, teknîka dewleta Tirk felc kiriye. Gerîla bi şeklekî serketî şerê xwe pêk tîne û ev yek di çapemeniyê de her roj tê nîşandan. Niha gelek helîkopterên wan derb xwarine û ew leşkerên ku danîne Heremên Berxwedanê jî nikare wan bi awayekî tendurist bi rê ve bibe. Ya rast ev rewş ji bo artêşekê binketineke herî mezin e.

“EM Ê BI SER BIKEVIN”

Dewleta dagirker bi hemû hêza xwe êrişê van herêman dike. Hemû teknîka serdemê xistiye dewrê. Lê hevalên me bi îradeyekî ku asta mirovan derbaskirî şer dikin û bi rihekî fedayî bersivê didin.

Şerê îsal ji sala par hîn berfirehtire. Ew bi xwestekên xeyalî hatine heremên me, lê wê ev yek bibe sedema hilweşandina rejîma faşîst a dewleta Tirk. Di vê şerê hebûnê de amadekariyên gerîla di asteke herî jor de ne. Bê guman di vî şerî de emê dijmin bin bixin û serketinê bi dest bixin.”