Şehîd Bargiran Erkendî îro li Wargeha Şehîd Rustem Cûdî (Mexmûr) bi merasîmekê hate bîranîn.

Bi navê şêniyên wargehê Hecî Kaçan li merasîmê axivî û di şexsê Bargiran Erkendî de şehîdên Cenga Hewftanînê û Têkoşîna Azadiyê bi bîr anî.

Hecî Kaçan diyar kir ku Bargiran Erkendî jî mîna gelek hevrêyên xwe di parastina Mexmûrê û Kerkûkê de li dijî DAÎŞ'ê têkoşîneke mezin kir û got, "Ji ber ku em xwedî kesayetên mîna Şehîd Bargiran in, em bi ser dikevin. Ti hêz û teknîk wê nikaribin bi me. Êşa me çiqasî giran jî be, em bi pakrawanan şanazin. Hêza dagirker a dijmin wê bi ruhê van pakrawanan bê hilweşandin."

Bi navê malbata Erkendî Şiyar Erkendî axivî û diyar kir ku ew ê heta dawiyê li ser şopa şehîdan bin.

Merasîma bîranînê bi qîrîna dirûşmên "Şehîd namirin", "Bijî Serok Apo", "Bê Serok jiyan nabe" bi dawî bû.