31’ê Çile yê 2016’an Federasyona Futbolê ya Tirkiyê (TFF) ji ber parvekirineke lîstikvanê Amedsporê Denîz Nakî ya li ser hesabê xwe yê medya civakî, bi hinceta ku ‘propagandaya îdeolojîk kiriye û daxuyaniyên dijî sportmendiyê kiriye’ ceza dabû Nakî ku di 12 lîstikên fermî de nelîze û her wiha 19 hezar û 500 tl cezayê pereyan lê birîbû.

Lijneya Pihêtkirinê 17’ê Nîsana 2016’an bi îdîaya ku di lîstika Amedspor û Keçîorengucu de alîgiran dirûşmên îdeolojîk berz kirine cezayê birîna 3 puanan dabû Amedsporê.

Parêzerên Amedsporê Soran Haldî Mizrak û Neşet Gîrasûn bi sedema ku Nakî ji ber ramanê xwe hatiye vederkirin û cezayê neheq li Amedsporê vekirine serî li DMME’yê dan.

DMME HETA 1’Ê ADARÊ ÎFADE XWEST

DMME’yê serlêdana parêzeran qebûl kir û xwest ku Tirkiye li ser babetê îfadeya xwe bide. DMME’yê ji Tirkiyê re nivîs şand û pirs kir bê ka xala 6’an a ku mafê darizandina dadmend, xala 10’an a ku qedexeya cihêkariyê pênase dike, xala 14 û 13’an ku serlêdana hîkar û mafên xala 13’ana Peymana Mafê Mirovan hatine binpêkirin an na.

DMME’yê heta 1’ê Adara 2018’an dem daye Tirkiyê ku xwe biparêze.