Di kongreya KNK’ê de ji bo Başûrê Kurdistanê banga piştgiriyê
Di danezana KNK’ê de, li dijî êrîşên li ser Başûrê Kurdistanê banga piştgiriyê hate kirin.
Di danezana KNK’ê de, li dijî êrîşên li ser Başûrê Kurdistanê banga piştgiriyê hate kirin.
Kongreya Asayî ya KNK’ê ya 17’emîn a ku li Hollandayê bi axaftinên nûnerên partiyên mêvan didome. Nûnerên partiyên YNK, Goran, Rojava û Komeleyî Îslamî tê de gelek kes axivîn û bal kişandin ser vî tiştî ku ev xebatên KNK’ê pîroz in.
ÊRÎŞÊN DEWLETA TIRK HATIN ŞERMEZARKIRIN
Kongreya Asayî ya KNK’ê ya 17’emîn danezanek weşand û tê de nerazîbûn nîşanî êrîşên li ser Başûrê Kurdistanê da.
Di danezanê de ev tişt hatin diyarkirin;
“Li Başûrê Kurdistanê piştî referandûma 25’ê Îlonê Tirkiye û Îranê dest bi ablûkayê kirin. Hikumeta Bexdayê jî paralelî polîtîkayên van dewletan têkilî û diyalogên xwe qut kir. Tirkiye, Îran û Iraq amadekariya êrîşên leşkerî dikin. Em van êrîş û ablûkayê şermezar dikin û bang dikin ku bila vê ambargoyê rakin. KNK piştgiriya daxwazên gelê Başûrê Kurdistanê dike û em diyar dikin ku em ligel wan in. Em bang li NY, DYA, Rûsya û YE û hemû saziyên navneteweyî dikin ku bila li dijî êrîşên Tirkiye, Îran û Iraqê derkevin.”