Îro li bajarokê Xanesro a girêdayî Şengalê girseya gel ku ber bi kozikên komên çeteyan ve meşiyan, çeteyên AKP û PDK'ê gule li girseya gel reşandin. Di êrîşa çeteyan de 15 welatî birîndarbûn û jina ciwan a bi navê Nazê Nayîf Qewal ku temenê xwe 21 sal bû şehîd bibû.

Cenazeyê Şehîda Xanesorê Nazê Nayîf Qewal ji aliyê girseya gel ku di nav de Rêveber û Endamên Saziyên Şengalê jî cih digrin, ji nexweşxaneya Xanesorê hate girtin. Cenaze bi karwanekî wesayîtan ber bi Goristana Şehîdan a li Gundê Kizilkent ve hat bi rêkirin.

Cenaze wê destpêkê bibin malbata wê ya li ser Serdeştê ya li Çiyayê Şengalê û ji wir jî bibin Goristana Şehîd a li herêma Qendîl a bajarê Şengalê û li wir wê bê definkirin.

ŞEHÎDA 4. JI HEMAN MALBATÊ YE

Şehîd Nazê Nayîf Qewal 21 salî bû, ji eşîra Hebaba ya li gundê Zomanê a Şengalê ye. Malbata wê di dema fermana 73'an de dev ji warê xwe ne berda û li Çiyayê Şengalê man. Di berxwedana Şengalê de birayek, xalek û xizmek yê dayika wê di nava refên YBŞ'ê de şehîd bibûn.