Cenazeyê gerîlayê HPG’ê Fûat Akkaya (Fûad Fîkrî) ku 18’ê Gûlanê li bejahiya Pulur a Dersimê di şerê li dijî leşkerên Tirk de şehîd bûbû, bi merasîmekê li Amedê hate veşartin.

Malbata Akkaya cenaze ji Saziya Tipa Edlî ya Meletiyê girtin û birin gundê Qortenit yê navçeya Pîran a Amedê. Li goristana gund piştî pêkanînên wacibên olî cenazeyê gerîlayê HPG’ê Akkaya bi merasîmekê hate veşartin.

Parlamentera HDP’ê yên Amedê Remziye Tosûn û Dersim Dag, rêveberên HDP’ê yê bajar û navçeyê û gel beşdarî merasîmê bûn. Li goristanê bê navber dirûşmeya ‘Şehîd Namirin’ hate qîrin.

Di merasîmê de parlamentera HDP’ê Dersim Dag peyivî û wiha got; “Şehîdê me şehîdê Kurdistanê ye. Şehîdê we şehîdê me ye. Bila serê Kurdistanê sax be.”