Bi sedan welatiyên bajarê Qamişlo cenazeyên şervanên YPG′ê Murdaly Solimanov (Çiya Rûs), Hisên Çetîn (Cîhad Dûgir), Îlyas Domîş (Tofan Mismil) û Ebdulezîz Siêman (Mezlûm Qamişlo) ên ku di operasyona rizgarkirina bajarê Tebqayê de jiyana xwe ji dest dane, li Goristana Şehîd Delîl Sarûxan a bajarê Qamişlo veşartin.

Li goristanê ligel deqeyk rêzgirtin merasîmek leşkerî hate lidarxistin. Piştre Şêwirmenda Rêveberiya Xweser a Kantona Cizîrê Mizgîn Ehmed axivî, hemû cangoriyên azadiyê bibîr anîn, sersaxî ji malbatên wan re xwest û soza şopandina rêya şehîdan da.

Piştre nasnameyên şervanan hatin xwendin, radestî malbatên wan hatin kirin.

Di dawiya merasîmê de cenazeyên şervana bi dirûşiman ve hatin veşartin.