Artêşa Tirk a dagirker bi bombeyên fosforê êrîş kir
Artêşa Tirk a dagirker bi bombeyên qedexekirî û topên ji madeya fosforê 25 caran êrîş bir ser qadên berxwedanê yên li derdora gundê Sîda yê li Herêmên Parastinê yên Medyayê.
Navenda Ragihandin û Çapemeniyê ya HPG'ê têkildarî berfirehiya êrîşên artêşa Tirk a dagirker ev agahî parve kir:
"Li herêma Zapê;
23'ê Sibatê dagirkeran bi çekên giran êrîş birin ser hêzên me yên li Qada Berxwedanê ya Girê cûdî. Hêzên me jî ji bo xwe biparêzin bi çekên giran li dagirkeran xistin.
Êrîşên artêşa Tirk a dagirker ên bi bombeyên qedexekirî;
23'ê Sibatê li nehiya Şêladizê ya navçeya Amediyê, çeperên me yên berxwedanê yên li nêzî gundê Sîdayê 25 caran bi bombeyên qedexekirî û topên ji madeya fosforê yên ji tankan hatin avêtin, hatin bombekirin.
Êrîşên artêşa Tirk a dagirker;
23'ê Sibatê Qadên Berxwedanê yên Girê Amediyê û Girê Bahar, derdora gundê Sîda yê nehiya Şeladizê ya navçeya Amediyê 10 caran bi balafirên şer hatin bombekirin.
23'ê Sibatê Qadên Berxwedanê yên Girê Amediyê û Girê Cûdî û çeperên me yên berxwedanê yên li nêzî gundê Sîda û qada Çemço yên nehiya Şeladizê ya navçeya Amediyê 83 caran bi obus, hawan, tank û çekên giran hatin bombekirin."
