ANF dîmenên cihê êrîşa li Mexmûrê kişand
ANF’ê xwe gihand cihê êrîşa balafirên keşfê ya bê mirov a biçek (SÎHA) a dewleta Tirk a dagirker ku 3 jinên dema ji bêriyê vedigeriyan kirin hedef û qetil kirin.
ANF’ê xwe gihand cihê êrîşa balafirên keşfê ya bê mirov a biçek (SÎHA) a dewleta Tirk a dagirker ku 3 jinên dema ji bêriyê vedigeriyan kirin hedef û qetil kirin.
Li Wargeha Penaberan a Şehîd Rûstem Cûdî (Mexmûr) 15’ê Nîsanê balafirên keşfê yên bê mirov ya biçek (SÎHA) ya dewleta Tirk a dagirker êrîşek pêk anî. Di êrîşê de 3 jinên bi navê Eyşê Ehmed Ferhan, Ezîme Akdogan û Hewa Akdogan ên dema ji bêriyê divegeriyan şehîd bûn.
Li ser vê bûyerê ANF’ê xwe gihand Wargeha Mexmûr û cihê ku sivîl lê hatin qetilkirin û dîmenên cihê bûyerê kişand.
Cihê ku êrîş pêk hat, cihê ji bo çandinî û lawirvaniyê hatiye veqetandin û welatî ji bo debara xwe ya rojane kar dikin.
Weke tê zanîn ji 19’ê Tîrmeha 2019’an û şûnde ji ber ambargoyê welatî ji bo debara xwe ya rojane bikin, dest bi karê lawirvanî û çandiniyê kirin. Rojane welatî li vê herêmê diçin şivanî û çandiniyê dikin.
Wek ANF li qadê me gelek kes dîtin û bi wan re axivîn, dan diyarkirin ku ji bo rojane debara xwe bikin li vir karê lawirvanî û çandiyê dikin.
Her wiha welatiyan anî ziman ku di êrîşên li Mexmûr tên kirin, rast e rast sivîl tên hedefkirin û qetilkirin. Dîsa welatiyan destnîşan kir ku hem metirsiya DAÎŞ’ê û dîsa balafirên şer ên dewleta Tirk li ser wan heye.
Her wiha welatiyan êrîş şermezar kirin û êrîş weke kiryarekî ne mirovî pênase kirin.