Li Wargeha Penaberan a Şehîd Rustem Cûdî (Mexmûr) bi pêşengtiya Navenda Kevana Zêrîn Şehîd Hozan Mizgîn di salvegera şehadeta xwe de hat bîranîn.

Bi kombûna xelkê wargehê ya li ber Navenda Kevana Zêrîn di kesayeta Şehîd Mizgîn de ji bo tevahî şehîdên Tevgera Azadiya Kurdistanê deqeyek rêz hat girtin. Piştî rêzgirtinê bi boneya 31’emîn salvegera Şehadeta Şehîd Hozan Mizgîn endamên Kevana Zêrîn bi daxuyaniyekê navê saziya xwe bi navê Çanda Jin a Stêra Zêrîn guhertin. Her wiha hate gotin ku wê kar û xebatên xwe ji niha û şûnde di bin vî navî de bidin meşandin. Daxuyanî ji aliyê Endama Kevana Zêrîn Ronahî Yaman ve hate xwendin.

Daxuyanî wiha ye:

“Nirxên manevî yên ku em heta îro anîne di bin şewqa Hilala zêrîn de pêşketiye. Jin bûye barkêşa herî mezin a wan nirxan. Ji ber vê sedemê em bi sedan salin ku rastî êrişek bê eman tên. Di hedefa hemû serdestan de destpêkê jin hene. Vekirî li holêye ku fîrewnên hemdem jî vê rêyê dişopînin. Êrişén li ser jinan xwediyê paşerojek pir bi kok e. Sedemê vê ya herî bingehîn ewe ku çanda civakî ya ku di jinê de heyî beden bûye. Heta bi vê bi bedenbûnê re jî sinordar nemaye, bi jiyanê re bûye yek. Peywendiya jin a bi xak û ziman re, ji nirxên wê yên çandî ne qute. Jin ev wisa dizane ku eger ji zimanê axé dûr bikeve; wê demê wê nebe xwebûn, êdî wê bibe yekî din. Ji ber vê sedemê her tim di hedefa êrişan de hatiye hiştin. Jinek dayîk dizane ku mirateye herî mezin ya ku ji civakê re dihêle çanda wî bixwe ye. Eger civakbûyîna ku bi sedan sale li derdora Hîlala Zêrîn pêkhatî heta raja me hatibe, xwediyê vê ya herî mezin dayîk jin e. Bi çandiniya tov re hunera xwe ya destpêkê pekanî. Cewhera klamên ku dema zarokê/a xwe radizine ji çanda xwe hildaye. Ji ber wê ye ku di gelek lorînên wê de zêmer, hewar, berxwedan û serî rakirin heye.

Ev demek dirêje ku Ii Wargeha Şehîd Rustem Cûdî (Mexmur) xebatên jin ên çandê bi rêve dibin. Her çiqas di vê pêvajoya mijara gotinê de li hember polîtîkayên şerê taybet ên ku dijmin ji her hêlê ve li ser wargeha me rêve dibe pir nebibin bersiv jî, lê me  bi awayek bê eman di nava rastiya şerek qirêj de xebatên xwe bi rêvebiriye. Em li ser ve bingehê ji îro û şûnve xebatên xwe yên çanda jin, bi navê STÊRA ZÊRÎN bidomînin. Em carek din biryardariya xwe gihandina jina azad a ku Rêber Apo afirand û  dilsoziya xwe ya bi hevrê Şehîd Mizgîn re dûbare dikin. Em carek din soz didin ku wê li ser bingeha rastiya xwe ya heyî, li derdora çanda dayîk jin xebatên xwe bi rêve bibin û aliyên kêm mayî temam bikin.”

Piştî daxuyaniyê sînevîzyona ku li ser jiyan û tekoşîna Şehîd Hozan Mizgîn hatibû amadekirin hat nîşandan. Her wiha piştî sînevîzyonê bîranîn bi dirûşmeyên ‘Bijî Serok Apo’ û ‘Şehîd Namirin’ bi dawî bû.