Şaredariya Qelqeliyê rûniştina destpêkê ya civîna meclîsê ya asayî ya meha Îlonê pêk anî. Beriya destpêkirina rojeva civînê, desteserkirina şaredariyên HDP'î hate şermezarkirin. Di civînê de komên HDP û AKP'ê tevlî bûn û Hevşaredar Dîlan Orencî civîn bi rê ve bir, Cîgira Serokê Koma HDP'ê Sakîne Kûrtpinar axivî. Kûrtpinar dagirkirina şaredariyên bajarên mezin ên Amed, Wan û Mêrdînê şermezar kir.

Hevşaredarê Bajarê Mezin ê Wanê û Endamê Meclîsa Şaredariya Qelqeliyê Mûstafa Avci jî diyar kir, AKP di ser xeta MHP'ê re tevdigere.

Hevşaredara Qelqeliyê Dîlan Orencî jî destnîşan kir ku qeyûm desteserkirina îradeyê ye û got, "Sîstema me ya hevserokatiyê xeta me ya mor e û em ê nehêlin ku kes destê xwe dirêjî wê xetê bike."