Platforma Yekîtiya Jinên Kurd bi peyameke nivîskî parlementerên jin ên ji bo meclîsa Iraqê hatine hilbijartin, pîroz kir.

Di peyama platformê de ev tişt hate diyarkirin:

"Di hilbijartinên Iraqê de 23 jinên Kurd hatin hilbijartin. Em di serî de jinên Kurd û hemû parlementerên herêma Kurdistanê pîroz dikin û em ji ber vê serkeftinê kêfxweş in.

Li her çar parçeyên Kurdistanê rol û mîsyona jinên Kurd roj bi roj bi pêş dikeve. Ji Rojava heta Rojhilat û ji Bakur heta Başûr jinên Kurd bûne sembola têkoşîna azadiyê. Êdî li Kurdistanê û li her dera cihanê tê zanîn ku hêza jinên Kurd bûye hêza veguhertina Rojhilata Navîn. Jinên Kurd li her qadê dengê xwe bilind kiriye û di nav civakê de rengê xwe nîşan dide.

Hêvî û baweriya me ev e ku hêza yekîtiya jinên Kurd li her çar parçeyên Kurdistanê dengê jinên Kurd bilindtir bike û armanca a jinên Kurd avakirina yekîtiya jinên Kurd be.

Em careke din serkeftina parlementerên jin ên Kurd pîroz dikin."