Ji jinên 5’ê Nîsanê di operasyona qirkirina siyasî ya li Amedê de hatibûn destgîrkirin, 6 jê hatin girtin, 9 jî bi şertê kontrola edlî hatin berdan. Cezayê hebsa malê dan jinekê, dema destgîrkirina 8 jinan jî dirêj kirin.
Li Amedê di 5' Nîsanê de 22 jin hatibûn destgîrkirin. Ji jinên hatin destgîrkirin îro 16 jê sewqî edliyeyê hatin kirin.
Piştî îfadeya li dozgeriyê Endama Desteya Rêvebir a Navendî ya Meclîsên Jinên Sosyalîst Satiye Ok, şêwirmenda çapemeniyê ya Parlementera HDP'ê ya Amedê Remziye Tosûnê Gûrbet Ozel, şêwirmenda berê ya Parlementera HDP'ê ya Amedê Dersim Dagê Leyla Akgul, Hasîbe Akçay, Dayika Aştiyê Nezahat Teke, nûçegihana Jinnewsê Berîtan Canozer, Ayşen Kanûş, Hevseroka MED-DER'ê Şîlan Elmas Kan, Endama Desteya Rêvebir a Navendî ya DBP'ê Zeynep Uren, Endama Akademiya Jinê ya Amedê Fîgen Aras, Nûrşen Akbal û Şehrîban Zûgûrlî, aktivîsta Tevgera Jinên Azad (TJA) Sevîm Bîçîcî, Eylem Ceylan, Nalan Ozen û Hayat Akyol sewqî dadgehê hatin kirin.
Dadgeriya Ceza ya Sulhê ya Nobedar a Amedê bi îdiaya "endamtiya rêxistinê" Satiye Ok, Leyla Akgul, Ayşen Kanûş, Nûrşen Akbal, Şehrîban Zûgûrlî û Fîgena Arasê girt.
Dadgehê Zeynep Uren, Eylem ceylan, Sevîm Bîçîcî, Berîtan Canozer, Gûrbet Ozel, Şîlan Elmas Kan, Nalan Ozen û Hasîbe Akçayê jî bi şertê kontrola edlî berdan. Li Nezahat Tekeyê jî cezayê hepsa malê birî.
Hevseroka HDP'ê ya Çinarê ya berê Hayat Akyol jî îro danê sibehê bi şertê kontrola edlî hatibû berdan.
Aktivîstên TJA'yê Zelal Bîlgîn, Emîne Kaya, endamên Meclîsa Şaredariya Bajarê Mezin a Amedê Bahar Karakûş Ûlûg, Rûken Bekalp, Hevseroka HDP'ê ya Peyasê ya berê Besîle Narîn, Hevseroka DBP'a Amedê Seval Gulmez, Hevşaredara Çinarê Neclsa Tamrîş û Rabîa Tekas hîn destgîrkirî ne û dema destgîrkirina wan 48 saetên din jî hat taloqkirin.
