Çalakiya ku aktivîstên Tevgera Jinên Kurd a Ewropayê (TJK-E) ya li qada çalakiya Nobeda Azadiya Rêberê Gelê Kurd Abdullah Ocalan hatibû lidarxistin dewam dike. Di roja duyem a çalakiyê de jinan pankartên bi wêneyê Ocalan û dowîzan qada çalakiyê xemilandin û tîşortên rengê xemir a ‘Ji Abdullah Ocalan re azadî’ li xwe kirin.

Jinan li ser tecrîd, komploya navneteweyî ya li ser Rêberê Gelê Kurd Abdullah Ocalan û êrîşên dewleta Tirk a li ser Kurdistanê dosya pêşkêşî nûnerên herdemî yên endamên Konseya Ewropayê dikin.

Di çalakiyê de panelek bi sernavê ‘Rastiya Rêbertî û Jinê’ hate lidarxistin. Zîlan Diyar anî ziman ku Rêberê Gelê Kurd Abdullah Ocalan gotiye; ‘Azadiya jinê ji hemû azadiyan bi nirxtir e’ got: “Ji bo vê girêdana me ya jinan a bi Rêber Apo re pir zêde ye. Em ê hemû jin têkoşînê mezin bikin û Rêbertiya xwe azad bikin.”

Diyar anî ziman ku di pêvajoya esaretê de jî Rêberê Gelê Kurd Abdullah Ocalan azadiya jinê kiriye rojev û got: “Rêber Apo di hemû parêznameyên xwe de diyar kiriye ku azadiya civakê bi azadiya jinê ve girêdayî ye.”