Çalakî li ber Avahiya Bajêr a DBP Wanê pêk hat. Di çalakiyê de Wekîla HDP’ê ya Wanê Bedîa Ozgokçe Ertan axivî, got, ti bingehê hiqûqî yê van binçavkirinan nîn e, armanc ew e ku xebatên siyasî yên partiya siyasî krîmînalîze bikin.

Ozgokçe diyar kir 11’ê Gulanê di nav de Hevserokê DBP’ê yê Wanê Ahmet Aygun jî 9 kes bi rengekî ne hiqûqî hatine binçavkirin û got, Midûrîyeta Emniyetê hiqûqê binpê dike û xebatankaran weke ku tawanbar bin radigîne.

Ozgokçe bang li Walî kir ku di vê mijarê de daxuyaniyê bide.

Ozgokçe diyar kir li gel hemû zext û zordariyan jî ew ê têkoşîna xwe ya demokratîk bidomînin û serê xwe ji zextan re netewînin.