Li Amedê, rêxistinên jinan yên ku di bin navê tora têkoşîna li dijî şîddetê dixebitin, bi armanca ku balê bikêşînin ser kuştinên jinan, li her derê paçên rengên reş û binewş daliqandin.

Partiya Demokratîk a Gelan (HDP) û Partiya Sosyalîst a Bindestan (ESP), al û afîşên binewşî li bînayên navçeya Amedê û bînaya xizmetguzarî ya şaredariya Peyasê daliqandin. Li bajêr, jinan bi armanca ku balê bikêşin li balkonên piraniya malan afîşên reş û binewşî daliqandin, her wiha di nava trafîkê de jî kûrdeleyên bi rengê reş û binewşî li wesayitên xwe ve kirin.