Sloganên ‘Azadî ji Abdullah Ocalan re’ li Lûzernê hate berzkirin

Ji bo armanca azadiya Rêberê Gelê Kurd Abdullah Ocalan, bi banga TCŞ û TEKOJIN’ê li kantona Lûzern a Swîsreyê çalakiyek hate kirin.

Ji bo protestokirina tecrîda li ser Rêberê Gelê Kurd Abdullah Ocalan û xwestina azadiya wî li bajarê Lûzernê Tevgera Ciwanên Şoreşger û Jinên Ciwan ên Têkoşer çalakiyek kirin.

Çalakî li Muhlenplatzê hate kirin û sloganên ‘Azadî ji Ocalan re, statu ji Kurdistanê re’ û ‘Na ji Îmraliyê re’ hate berzkirin.

Di meşê de posterê Rêberê Gelê Kurd Abdullah Ocalan, alayên KCK, PKK û TCŞ’ê hate hildan û ciwan bi sloganên ‘Bijî Serok Apo’ û ‘Ciwan fedaiyên Rêber Apo ne’ meşiyan.

Piştî meşê li Helvetîaplatzê mîtîngek hate kirin û li ser navê Tevgera Ciwanên Şoreşger, Yekîtiya Hêzê ya Demokratîk a Ewropayê û CDK-Lûzernê axaftin hate kirin.